Ավելի լավ է մտածել պառկած ժամանակ

Ավստրալիայի ազգային համալսարանի ֆիզիոլոգները եկել են այն եզրահանգման, որ ավելի հարմար է որոշումներն ընդունել պառկած դիրքում: Դա պարզել են փորձարկումների օգնությամբ, որոնց մասնակցել են 20 կամավորներ:

Նրանք գրաշրջությունը (անագրամմա) սկզբում ուղղահայաց դիրքում են փորձել կարդալ, այնուհետև, հորիզոնական: Պարզվել է, որ մասնակիցները պառկած դիրքում առավել ճիշտ են որոշել և ավելի քիչ ժամանակ են կորցրել կարդալու վրա: 

Հետազոտության հեղինակները դա բացատրում են այն բանով, որ պառկած դիրքում արյան մեջ ավելի շատ է ներմուծվում նորադրենալին, իսկ դա բարձրացնում է ուշադրությունն ու ճանաչողական ունակությունները:

Նենգ սենդվիչը

Առավոտյան պանրով, ապխտած մսով կամ երշիկով սենդվիչները լուրջ հարված են հասցնում անոթներին, նախազգուշացնում են կանադացի սրտաբանները: Կենդանական ճարպերի բարձր պարունակությամբ նախաճաշը նպաստում է աթերոսկլերոզի զարգացման: Բժիշկների վկայությամբ, դա պայմանավորված է այն բանով, որ ընկնելով օրգանիզմ, ճարպերը 15-20%-ով դանդաղեցնում են արյան հոսքը, ինչն էլ նպաստում է անոթների պատերին խոլեստերինային կուտակների առաջացմանն ու խանգարում  վտանգավոր նյութերի դուրս բերմանը:

Հարցեր, պատասխաններ, մեկնաբանություններ